455

الیکشن 2018: کون سا کرکٹر کس پارٹی کو سپورٹ کر رہا ہے؟

کراچی(ورلڈ پوائنٹ نیوز) انتخابی گہماگہمی نے زندگی کے دیگر شعبوں کے مانند کرکٹرز کو بھی اپنی لپیٹ میں‌ لے لیا، ویڈیو پیغامات سامنے آگئے۔

تفصیلات کے مطابق 25 جولائی کو ہونے والے عام انتخابات سے متعلق پاکستان کرکٹ ٹیم کے سابق اور موجودہ کھلاڑیوں نے خصوصی پیغامات جاری کیے ہیں.

سوئنگ کے سلطان وسیم اکرم نے اپنے ویڈیو پیغام میں پاکستان تحریک انصاف کی بھرپور حمایت کرتے ہوئے کہا ہے کہ ’’ووٹ فار کپتان‘‘۔

پاکستان کے سابق کپتان اور معروف آل راؤنڈر محمد حفیظ نے بھی الیکشن کی مناسبت سے ویڈیو پیغام جاری کیا ہے۔

محمد حفیظ نے اپنے پیغام میں کہا کہ بلے پر ٹھپا لگائیں، پاکستان کی قسمت بدلنے کا موقع بار بار نہیں ملے گا۔ شاہد آفریدی اور محمد حفیظ کے بچوں کی بھی عمران خان کے حق میں ویڈیو سامنے آئی ہے۔

پاکستان کی تاریخ کے کامیابی ترین ٹیسٹ بیٹسمین یونس نے اپنے حلقے سے متحدہ مجلس عمل کے امیدوار کی حمایت کا اعلان کیا ہے۔

پاکستان کے موجودہ کپتان سرفراز احمد نے زمباوے سے لوٹنے پر اپنے ایک بیان میں کہا کہ الیکشن والے روز گھروں سے نکلیں اور پسندیدہ نمائندوں کو ووٹ دیں۔

خبر کو سوشل میڈیا پر شئیر کریں

اس خبر پر اپنی رائے کا اظہار کریں

اپنا تبصرہ بھیجیں