310

ترکی میں انسانی سمگلرز کی قید سے 57 پاکستانی بازیاب

سمگلرز نے 10 ہزار ڈالرز کے عوض تارکین وطن کو یورپ پہنچانے کا دھوکہ دیا تھا
استنبول(ورلڈ پوائنٹ نیوز) ترک پولیس نے استنبول میں انسانی سمگلرز کی قید سے 57 پاکستانی تارکین وطن کو بازیاب کرالیا۔ ترک میڈیا کے مطابق انسانی سمگلرز نے تارکین وطن کو 10 ہزار ڈالر کے عوض یورپ پہنچانے کا جھانسہ دیا تھا اور رقم منزل پر پہنچنے کے بعد ادا کرنے کا معاہدہ تھا۔
پولیس نے پاکستان سے تعلق رکھنے والے 3 سمگلروں کو بھی تارکین وطن کی غلط رہنمائی کرنے کے شبے میں گرفتار کیا ہے۔ تارکین وطن کو یونان یا اٹلی کے راستے سے یورپ پہنچانے کی امید دلائی گئی تھی جبکہ سمگلروں کو رقم کی ادائیگی کے لئے مخصوص کوڈ دیا گیا تھا۔ بتایا گیا ہے کہ سمگلروں نے پاکستانی تارکین وطن سے 10 ہزار ڈالر کا مطالبہ کرتے ہوئے انہیں استنبول میں پابند سلاسل کرکے مجبور کیا جا رہا تھا کہ وہ اپنے اہل خانہ کو یورپ پہنچنے کی اطلاع دے کر رقم منتقل کرنے پر زور دیں۔

خبر کو سوشل میڈیا پر شئیر کریں

اس خبر پر اپنی رائے کا اظہار کریں

اپنا تبصرہ بھیجیں