372

شریف خاندان کا نام ای سی ایل میں ڈالنے کی تجویز نہیں دی گئی، ترجمان نیب


میڈیا پر چلنے والی خبریں بے بنیاد ہیں ایسی خبروں سے اجتناب کیا جائے، ترجمان – فوٹو: فائل
اسلام آباد: ترجمان نیب کا کہنا ہے کہ ڈی جی نیب لاہور نے شریف خاندان کی اثاثے منجمد کرنے اور نام ای سی ایل میں ڈالنے کی تجویز نہیں دی ہے لہذا تجویز مسترد ہونے کا سوال پیدا نہیں ہوتا۔
ترجمان نیب کی جانب سے جاری کردہ بیان میں کہا گیا ہے کہ ڈی جی نیب لاہور نے شریف خاندان کے اثاثے منجمد کرنے اور نام ای سی ایل میں ڈالنے کی کوئی تجویز نہیں دی اور نہ ہی کوئی تجویز رد ہوئی کیونکہ جب تجویز دی ہی نہیں تو رد کیسے ہوگی۔ ترجمان کا کہنا تھا کہ میڈیا پر چلنے والی خبریں بے بنیاد ہیں ایسی خبروں سے اجتناب کیا جائے۔
واضح رہے اس سے قبل میڈیا پر خبریں زیر گردش تھی کہ نیب نے شریف خاندان کے اثاثے منجمد کرنے اور ای سی ایل میں نام ڈالنے کی سفارش مسترد کردی ہے۔

خبر کو سوشل میڈیا پر شئیر کریں

اس خبر پر اپنی رائے کا اظہار کریں

اپنا تبصرہ بھیجیں