390

اداکاری کے ساتھ کوکنگ بھی بہت اچھی کرلیتا ہوں‘ایوب کھوسو

لاہور(ورلڈ پوائنٹ) سینئر اداکار ایوب کھوسو نے کہا ہے اداکاری کا شوق اسکول کے زمانے میں پروان چڑھا، اداکاری کے ساتھ ساتھ وہ کوکنگ کے میدان میں بھی طاق ہیں ۔

تفصیلات کے مطابق سینئر اداکارہ ایوب کھوسو کا کہنا ہے کہ میری تعلیم کوئٹہ میں مکمل ہوئی ، میرے سکول میں ڈرامہ اور میوزک کی کلاسز ہوتی تھیں جنہیں دیکھنے کے بعد مجھ میں اداکاری کا شوق پیدا ہوا ۔

انہوں نے کہا کہ میں نے پی ٹی وی کوئٹہ سے بننے والی ڈرامہ سیریل ”چھاؤں “میں اداکاری کی جس میں مجھے پورے پاکستان میں روشناس کروا دیا ، ڈرامہ سیریل میں میرے ہمراہ لیلیٰ زبیری ، ریاض ،ذوالقرنین حیدر سمیت دیگر اداکار شامل تھے ۔

اس کے بعد ڈرامہ پروڈیوسر طارق معراج کی ڈرامہ سیریل ” بھنور“ اورپھر”دشت “جیسی ڈرامہ سیریل نے میری شہرت کو عروج تک پہنچا دیا ۔ انہوں نے کہا کہ کوئٹہ ،کراچی ، نصیر آباد اور جیکب آباد میرے گھر ہیں ، ویسے تو پورا پاکستان ہی میرا گھر ہے اور جہاں بھی جاتا ہوں تو لوگ محبتیں نچھاور کرتے ہیں ۔

انہوں نے کہا کہ ٹی وی پر کام کرتے ہوئے تین دہائیاں گزر چکی ہیں۔ اسی گفتگو کے دوران انہوں نے انکشاف کیا کہ انہیں کوکنگ کرنابھی آتی ہے اوروہ تمام ڈشز بہت عمدگی سے بنا لیتے ہیں۔

ایوب کھوسو کا شمار پاکستان کے سینئر اداکاروں میں ہوتا ہے، ڈرامہ سیریل دشت سے شہرت کے بامِ عروج پر پہنچے، فلم کے میدان میں ان کی سب کی بڑی پہچان ’خدا کے لیے‘ہے۔

کھوسو پشتون ماں اور بلوچ باپ کی اولاد ہیں۔انہوں بی اے جامعہ بلوچستان سے کیا۔ اور اسکول سے اداکاری کا آغاز کیا۔ پاکستان ٹیلی ویژن نیٹ ورک کوئٹہ سینٹر کا ڈراما چھاؤں ان کاپہلا ٹیلی وژن ڈراما تھا۔ وہ بلوچی، پشتو، براہوی، سندھی، اردو اور انگریزی زبانیں بول لیتے ہیں۔

سوشل میڈیا پر شیئر کریں

اس خبر پر اپنی رائے کا اظہار کریں