77

امریکی دھمکیاں مسترد : ترکی کا روس سے میزائل خریدنے کا فیصلہ برقرار

انقرہ (ورلڈ پوائنٹ) ترکی نے امریکی دھمکیوں کو مسترد کرتے ہوئے روس سے میزائل خریدنے سے متعلق معاہدے کو برقرار رکھنے کا فیصلہ کیا ہے۔ عالمی میڈیا کے مطابق ترکی نے روس سے ایس400 میزائل ٹیکنالوجی خریدنے کا حتمی فیصلہ کرلیا ہے۔

روس جون یا جولائی میں ترکی کو میزائل کی پہلی قسط فراہم کرے گا جس کے بعد ترکی کے دفاعی نظام کا شمار دنیا کے بہترین دفاعی نظام میں تصور کیا جائے گا۔

قبل ازیں امریکا نے روس سے ایس400 میزائل ٹیکنالوجی خریدنے کی صورت میں ترکی پر پابندیاں عائد کرنے کی دھمکی دیتے ہوئے کہا تھا کہ اگر روس سے ڈیل کی گئی تو امریکا ترکی کو ایف35فائٹرز جیٹ کی فراہمی روک دے گا۔

ترکی امریکا سے سو کے لگ بھگ ایف35 فائٹرز جیٹ خرید رہا ہے جس کے لیے پائلٹس کو امریکا میں ہی تربیت دینا تھی۔ امریکی دھمکی پر ترکی کے نائب صدر فواد اوقطائی نے میڈیا سے گفتگو کرتے ہوئے کہا کہ امریکا شاید ترکی کو جانتا نہیں۔

ایک مرتبہ جب ڈیل کرلی تو ترکی اپنی زبان سے نہیں پھرتا، ترکی اپنے ہر فیصلے کے لیے خود مختار ہے اور قومی سلامتی پر کسی دھمکی کو خاطر میں نہیں لائے گا۔

سوشل میڈیا پر شیئر کریں

اس خبر پر اپنی رائے کا اظہار کریں

اپنا تبصرہ بھیجیں