106

روس نے آج سے اپنا فلائیٹ آپریشن بند کردیا ، اگلا ہفتہ تمام دفاتر بند ہوں گے

ماسکو(ورلڈ پوائنٹ) روس نے آج سے غیرمعینہ مدت کیلئے اپنا فلائیٹ آپریشن بند کردیا ہے اس کے ساتھ ساتھ روسی صدر پوتن نے کورونا وائرس کے سبب ملک میں آئینی تبدیلی کے لیے ہونے والے انتخابات کو ملتوی کرنے کا اعلان کردیاہے

پوتن نے کہا کہ ہماری اولین ترجیح لوگوں کی صحت، زندگی اور حفاظت ہے لہٰذا میرا ماننا ہے کہ ووٹ کو ملتوی کردیا جائے۔انہوں نے کہا کہ 22اپریل کو ہونے والا صدارتی ریفرنڈم ملتوی کردیا گیا ہے۔انہوں نے مزید اعلان کیا کہ وائرس کا تیزی سے پھیلاؤ روکنے کے لیے روس کے عوام آئندہ ایک ہفتہ کام نہیں کریں گے۔

تاہم روس کے صدر نے خبردار کیا کہ ملک کے وسیع رقبے کے پیش نظر اس میں وائرس کا مکمل طور پر پھیلاؤ روکنا ناممکن ہے۔ان کا کہنا تھا کہ کورونا وائرس کے سبب ملک کی معیشت شدید دباؤ میں ہے لیکن اس کے باوجود ہم عوام کی فلاح کے لیے اقدامامت جاری رکھیں گے۔

روس نے کورونا وائرس کے مزید کیسز کی تصدیق کردی ہے جس سے روس میں وائرس سے متاثرہ افراد کی تعداد 840 ہو گئی ہے۔روس کی جانب سے پہلے ہی کورونا وائرس کے لیے اقدامامت اٹھاتے ہوئے بیرون ملک سے آنے والوں کو قرنطینہ میں رہنے کا حکم دیا گیا ہے۔روس نے ملک میں تمام ثقافتی سرگرمیوں، کھیلوں کے مقابلوں، سینما نائٹ کلب اور ریستورنٹس سمیت عوام کے ایک جگہ جمع ہونے پر پابندیاں عائد کردی ہیں۔

دوسری جانب روس کی عدالت اور پارلیمنٹ نے ملک میں مجوزہ تبدیلیوں کی منظوری دے دی ہے جس میں پیوٹن کے دوبارہ صدر منتخب ہونے پر عائد کی گئی پابندی کا خاتمہ بھی شامل ہے۔اس پابندی کے خاتمے کے بعد گزشتہ چار مرتبہ سے صدر منتخب ہونے والے پیوٹن مزید دو مرتبہ روس کے منتخب ہونے کے اہل ہو گئے ہیں۔

سوشل میڈیا پر شیئر کریں

اس خبر پر اپنی رائے کا اظہار کریں