143

کورونا وائرس جنگ عظیم دوئم کے بعد سب سے بڑا امتحان قرار

نیویارک(ورلڈ پوائنٹ) سیکریٹری جنرل اقوام متحدہ انتونیوگوتریس نے کورونا وائرس کو جنگ عظیم دوئم کے بعد سب سے بڑا امتحان قرار دے دیا۔

تفصیلات کے مطابق اقوام متحدہ کے سیکریٹری جنرل انتونیوگوتریس نے کہا ہے کہ دوسری جنگ عظیم کے بعد کورونا سب سے بڑا امتحان ہے، کورونا کی وبا لوگوں کی جانیں اورروزگارچھین رہی ہیں۔

اقوام متحدہ کا کہناہے پاکستان سیمت ترقی پذیرممالک کورونا وائرس سے پیدا ہونے والے معاشی حالات سے سب سے زیادہ متاثر ہوں گے۔

اقوام متحدہ نے مزید کہا کہ کوروناوائرس نقصان سےنمٹنے کے لیے مجموعی طور پر کھرب ڈالر تک کے معاون پیکیج کی ضرورت ہوگی، اقوام پاکستان،ارجنٹائن اور افریقہ کے صحرائی ممالک کو ’خوفناک امتزاج‘ کے بحران کا سامنا کرنا پڑے گا۔

یاد رہے اقوام متحدہ کے سیکریٹری جنرل انتونیو گوتریس نے کہا ہے کہ وقت آ گیا ہے کہ دنیا میں جہاں کہیں جنگیں ہو رہی ہیں ان کو ختم کیا جائے، یہی وہ چیز ہے جس کی انسانیت کو پہلے سے کہیں زیادہ ضرورت ہے، دنیا کو مشترکہ دشمن کرونا وائرس کا سامنا ہے، جو بے رحمی سے سب پر حملہ آور ہے۔

خیال رہے کورونا وائرس سے دنیا بھرمیں ہلاک افراد کی تعداد 42 ہزار پانچ سودس تک پہنچ گئی ہے جبکہ وائرس سے متاثرافراد کی تعدادآٹھ لاکھ باسٹھ ہزارچارسوپچانوے ہے۔

امریکا میں ہلاکتوں کی تعداد چارہزارچھپن ہوگئی، ایک لاکھ اٹھاسی ہزارپانچ سوبانوے متاثر ہیں جبکہ یورپ میں کورونا وائرس سے اب تک تیس ہزارافراد ہلاک ہوچکے ہیں۔

خبر کو سوشل میڈیا پر شئیر کریں

اس خبر پر اپنی رائے کا اظہار کریں