380

شارٹ پہن کر سعودی خاتون کے سامنے آنے والا شخص ملک بدر

ریاض(چوہدری سرفرازاحمد سے) فٹنس کلب میں خواتین کے لیے مختص جگہ میں نامناسب لباس کے ساتھ داخل ہونے والے غیرملکی شخص کو ملک بدر کردیا گیا۔

عرب میڈیا کے مطابق سوشل میڈیا پر وائرل ہونے والی ایک تصویر پر سعودی حکام نے نوٹس لیتے ہوئے نہ صرف غیر ملکی کو مملکت سے باہر نکال دیا بلکہ مذکورہ کلب کو عارضی طور پر بند کردیا۔

ٹوئٹر پر شیئر ہونے والی تصویر میں دیکھا جاسکتا ہے کہ شارٹ پہنے ایک غیر ملکی شخص فٹنس کلب میں خواتین کی انتظار گاہ میں داخل ہوگیا اور وہاں موجود باحجاب خواتین اسے دیکھ کر دنگ رہ گئیں۔

ایک خاتون نے اس منظر کو کیمرے کی مدد سے موبائل میں محفوظ کرلیا اور بعد ازاں اس کی شکایت سوشل میڈیا کے ذریعے حکام تک پہنچائی، سعودی وزارت لیبر اینڈ سوشل ڈویلپمنٹ نے معاملے کا نوٹس لیتے ہوئے تحقیقات کے بعد غیر ملکی شخص کو ملک بدر کردیا جب کہ فٹنس جم کو عارضی طور پر بند کردیا۔

سوشل میڈیا پر شیئر کریں

اس خبر پر اپنی رائے کا اظہار کریں

اپنا تبصرہ بھیجیں